الـقــصـه
# كان فيه رجال توه متزوج ونوى البحث عن الرزق وودع أهله وراح لديره بعيده عن اهله وأشتغل عند رجال راعي نياق وكان أتفاقهم على كل سنه له متن سواءً قعود أو بكره المهم جلس عنده لين جمع حوالي تسعين متن
ونوى الرجعه لأهله وبلّغ معزبه قال المعزب خلاص بس أنا بخاويك لين تطلع عن أراضي الديره وركب كل واحد رحوله
قال المعزب وشرايك تبيع لي نياقك بثلاث نصايح كل نصيحه ثلاثين متن
أستغرب راع النياق وبعد تردد وفي باله <وشلون النصيحه تسوى ثلاثين متن> ووافق قاله المعزب الأوله(لا تمرح وسط شعيب <وادي> ونام فوق الضلع) والثانيه (لا تامن للعبد وأفرق السن وأعور العين) والثالثه (لا أزعلك شي الصبح فكر فبه لبن تمرح ولا أزعلك شي بالليل فكر فيه لين تصبح )
ورجّع كل نياقه وعطاه الرحول هديه ومشى الراعي وهو بدى يتندم ليه وليه وتعب السنين ذي وش أقول لأهلي
الوكاد
لقى بالطريق قافله وقال لهم بخاويكم ومشى معهم يوم جا الليل وقفوا وتعشوا وحطوا له فراش وقالوا له : نام شاف إنهم جالسين في وادي وقال لااااااااااااااا
لازم أطبق النصيحه الأولى
ورفض وراح ينام فووق ضلع جنبهم
وجتهم ذيك الليله عاصفه قويه مع مطر وسال عليهم سيل قوووي
يوم قام الصبح وراح يمهم ينادي ويدور مالقى أحد حي جمّع الحلال والبضايع ولقى اللي حصله من النياق 120 متن غير القماش والذهب وقال: الحمدلله هذي أول نصيحه جابت لي الخير كله
ومشى وهو فرحان وقابل في الطريق عبد وسنونه مهذه الكلمة ممنوعة من العرضره!!!!!
قال العبد: ودي أخاويك أنا دربي نفس دربك
قال له خلااص
العبد جا يبي يركب أحد النياق
رفض راعي النياق وقال:أمش قدامي <ليييييييييييه يبي يطبق النصيحه الثانيه >
المهم جاهم الليل وتعشوا ونووا يمرحوون
قال راعي النياق أنت نام أول الليل وأنا أحرس وآخر الليل تكمل أنت الحراسه
راح راعي النياق وظبطله صخره ولحفها على شكل رجال نايم
وراح قووم العبد وقاله : تراني نايم هناك < وصفله على الصخره >
المهم العبد سوا نفسه يحرس وأخذ له كم فره لين توقع أن الراعي نام *****وراح للمكان اللي موصفه له الراعي ومعه حجر كبير وكان الراعي وقتها يترقب الحصاه اللي مظبطها من بعيد
^
^
^
ورما الحجر على الحصاه اللي ظن إنها الراعي
وجاه الراعي من وراه وذبحه وقعد يحمد الله وقال : الحمدلله هذي النصيحه الثانيه فكتني من المووووت
وكمّل طريقه لين وصل ديرته وشاف زوجته تدخل مع رجال في بيت الشعر حقهم
وزعل وقام يتخبط هذي أعرست وما أنتظرتني والمشكله جالسين في بيتي
<جا في باله يطبق النصيحه الثالثه >
وأمرح ولكن عينه ماغفت للنوم من الزعل
يوم جا الصبح تلطم وراح يمها وقلطته وقهوته وهي ماتعرفه ونشدها : & أنا أشوف رجالٍ يدخل عليك ويطلع هذا زوجك ؟&
قالت : لا هذا ولدي رجالي رايحن قبل مده وللحين ماجا
فك الطمه وعرفته ورجعت الأفراح لهم < الثالثه فكت ولده من الموووت >#
وشكراً لكم على قراءة القصه وأتمنى أنها تحوز على رضاكم
وأتمنى من اللي ينقلوون يبلغوني لأني محتفظ فيها
