روح وجســــــــــد ......

حـرفـي وحـرفـك بـالـورق تكتبـيـنـه
وان خـانــك التـعـبـيـر لاتمسـحـيـنـه
يمـكـن مـــع الايـــام يـكـبـر غـلانــا
عقـب الـورق وسـط الحشـا تنحتينـه
خـلـي يديـنـك فــي يديـنـي وحـســي
نبـضـات قـلــبٍ تشـعـريـن بحنـيـنـه
اول لـقـا صـدفـة ظــروف وتـلاقــت
هــي حــددت ميـعـاد بـيـنـك وبـيـنـه
كـنـه يعـرفـك مـــن سـنـيـنٍ طـويـلـه
وانـتـي بخيـالـك عــاش ماتجهلـيـنـه
جيـتـي بـعـد غيـبـة سـنـيـن ولـيـالـي
سـحـابــةٍ بـراقـهــا شــــاق عـيــنــه
جيتـي مـثـل حـلـم وتحـقـق بـواقـع*
واطلقـتـي شـعـورٍ بـصـدره سجيـنـه
جيتـي مشاعـر حلـت بقـلـب شـاعـر
بوح وصـدى نـزف الهـوى تعرفينـه
متبـعـثـرٍ شــــوقٍ كـبـيــر بـخـفـوقـه
جيـتـي شـعــورٍ صـــادقٍ تجمعـيـنـه
ويــاك احــس انــي لقـيـت الحقـيـقـه
وابتسمـت عـيـونٍ مــن اول حزيـنـه
صرتي على عرش الخفوق استوالك
صـــرح ٍ يـلـيـق بملـهـمـه تنـزلـيـنـه
روح وجسـد والــروح فيـهـا حيـاتـه
مـوت الجسـد يـاروح مــن تتركيـنـه